مرحبا كيفكم ؟ إن شاء الله تكونوا بخير ❤️
زمان ما نشرت بالعربي
المهم حبيت انشر اليوم لحتى احكي عن كم من شغلة ببالي
بقدر احكي أنها انجازات سويتها وإنجازات بنفسي أسويها وأشياء مبسوطة منها وهيك يعني
اوك خليني ابدا ☺️
•_••_••_••_••_••_••_••_••_••_••_••_••
﴾﴾2022﴿﴿
الصراحة هالسنة كانت بالبداية عادية من ناحية حياتي الشخصية ( بعيدا عن حياتي الالكترونية ) كان كل همي الدراسة وكنت اكل هم المرحلة اللي انا فيها كتير واصير افكر اني ما رح أنجح وانا بلا فايدة وكل شي صعب وما بستاهل حتى إني أحاول
والصراحة هالسنة كانت عادية كأحداث بس قبلها ما كان عادي لأنه صرلي ظرف عنجد زعلني ويعني ما كنت لسه قادرة اتخطى هاد الشي بس بشكل عام كان الوضع شبه طبيعي
بالنسبة لحياتي الالكترونية ، كنت اقضي اغلب وقتي بس عالنت ومواقع التواصل وهون صح أنه هاد الشي كان مخرب شوي على صحتي أو حياتي الواقعية بس ستل كنت مبسوطة على الأقل عندي صديقات مقربات وبيستات وكانوا السبب بسعادتي ❤️ الصراحة الله يسعدهم ويوفقهم بكل شي بحياتهم عنجد شكرا الهم على كل شي ❤️
بهاي السنة حسيت حالي تغيرت وصرت افكر بكل شي ... حرفياً كل شي سواء شي يسعدني أو يحزنني وأحياناً افكر باشياء مالي دخل فيها ، لهالدرجة؟ اي لهالدرجة
وبالرغم من أنه هالسنة كان فيها ذكريات سيئة بس عادي كل مر بمر والحمدلله قدرت اتحمل أصعب من هديك الأحداث وكان بإمكاني اتخطى كل شي من ذكريات سيئة
واكتشفت أنه عنجد عندي صديقات ما بيتعوضوا وهم بيعرفوا حالهم شكرا الكم على كل شي ❤️
إنجازاتي المتواضعة بهاي السنة كانت:
1-خلصت مرحلة صعبة من حياتي الدراسية اللي هي مرحلة مبنية عليها المرحلة اللي انا فيها حالياً كلياً
2- تعلمت كتير أشياء من طريقة تعامل لطريقة كلام وصار تفكيري بأشياء أكبر من ما كنت أحس بقدر أحكي عن حالي ( بدأت أنضج ممكن )
3- مريت نص المرحلة الدراسية اللي أنا فيها حالياً من غير ما يصيبني اكتئاب والحمدلله ❤️ كنت متخيلة أسوأ تخيلات بسببها
4- قدرت اتحمل أمنع حالي عن اكتر الأشياء اللي بحبها واللي قريبة على قلبي
5- وآخر شي اكتشفت أنه مو مهم كم شي أنجزت المهم اذا أنا مبسوطة من اللي انا عملته أو لا ، اذا أنا بذلت جهدي بهالإنجاز أو كان مفروض مني تعب أكتر ، كل شي عم يهمني حالياً اكون مبسوطة ولو أنجزت إنجاز واحد بس 😊❤️

﴾﴾2023﴿﴿
أشياء نفسي أسويها بهالسنة:
1- أول شي وأهم شي اخلص هالسنة على خير وأجيب المعدل اللي بتمناه
2- أرجع للأشياء اللي كنت عم أمنع حالي عنها عشان هالسنة
3- أطور من حالي أكتر وأكتر وأعطي حالي اهتمام مناسب لأني بستحق
حالياً هاي الأشياء اللي عم فكر فيها
امممم والصراحة في شي عم فكر فيه بس لسه ما بعرف اذا أنا قد هالشي أو لا
قبل يمكن 10 أيام أو حتى أقل كانت تجيني أفكار عن الطب وإني اصير دكتورة مع أنه بصراحة ما بحس هالشي من هواياتي أو الأشياء اللي بحبها بس ما بعرف اجاني شعور عم يحكيلي أنه هالشي حلو وإني لازم اصير هاد الشي بس السبب؟ ما بعرف
المهم ، هاد كل شي كنت حابة احكيه ما بعرف يمكن اغير رأيي ببعض الأشياء اللي بدي أنجزها ويمكن أزيد عليهم
المهم إن شاء الله تكونوا بخير وتكون أيامكم حلوة وسعيدة ☺️
بحبكم ❤️
باي

سألون الدرب بأحلى ألوان الحياة ❤️