ثاني بوست لهذا اليوم …ركزلييي

اول شي اني بديت ادرس للسادس من يوم 1 من الشهر 6 بسنه 2022 جنت يوميه اكعد من 5 الفجر ادرس للعصر وراها راحه لليل و جان عندي معهد هم …مجان هوايه ضغط جنت على راحتي ادرس و الحياة حلوة بس جنت خايفه من الفيزيا و العربي لذلك مفتحتهم العطله كلها
اجتي المدرسه و كل بنات دفعتي سووا انتساب اني اهلي مخلوني اسوي انتساب و ضليت اداوم و حرفيا اكلت وحل لان بالمدرسة المدرسات ميشرحن لان الكاعدات بالصف بس المعيدات كل الطالبات الي توهم دخلوا للسادس سووا انتساب و ضلوا يدرسون بالمعهد اني جنت اروح للمدرسة و من المدرسة ارجع للمعهد و ضغط كان كلشي جبير عليه مدرسه و معهد و يوميه صايره سالفه و امتحانات شهريه و فاينلات بالمعهد و اخير شي باخر يوم انو اخر يوم للي يريدون يسوون انتساب رحت سويت انتساب و كعدت لان جنت متأخره بالمدرسة و بالمعهد لان بالمدرسة مافتهم ارجع للبيت ركض للمعهد و لازم ارجع ادرس واجبات المعهد و اكعد افتهم واجبات المدرسة و اقره امتحانات شهريه و المدرسات جانوا ينطون هوايه مواد يعني كل درس عشر لو عشرين صفحه
و هذا الحجي اني جنت كلشششششش متأخره بالمادة و اجت نص السنه و اني مقاريه فيزيا و نص العربي ماعرفه شنو و باقي المواد نص نص رحت امتحنت على الله و طلعت بدرسين رياضيات و كيميا جنت فد مقهوره و تعهدت وره نص السنه اكعد ادرس من كل قلبي

اجتي الفتره بين نص السنه و الامتحانات كعدت قريت الكيميا و السلاميه و الاحياء و الانكليزي و العربي ونص الفيزيا و نص الرياضيات كلها قريتها
اجت فتره المراجعه جنت يادوب الحك اراجع خلصت مراجعه اربع مواد و اجت الامتحانات اني حرفيا يوميه اروح اطب للقاعه اشوف الاسئله لو من المحذوفات لو خارجي لو مدري شلونها و اجلت نص المواد

اجلت كل المواد امتحنت بس اسلاميه و يوم السبت لازم امتحن انكليزي وراها لازم اكعد ادرس الخمس مواد …
طبعا اني بالامتحانات لو مجاوبه جان نجحت و جان جبت بالثمانين بس اني ماريد اريد اطلع معدل فوك ال95 لان ببالي تخصص

فيعني من اليوم ان شاء الله حبدي انشر الكم يومياتي بالدراسة و شنو التقدم الي احرزته و هاي علمود يعني اتحفر و كذا و يصير عندي ذكريات هنا 🤌😂✨

اريد انتوا هم تعرفوني عن نفسكم …اني اسمي دانية 🐰