جزء بسيط عن حياتي الجحيم والفاشله للصراحه
مجتماعي الي عايش بي الي يسترون بدين اني اسميهم
والله العظيم اسوء عيشه اتعيشه البنيه بمجتمعنه
اسوء تصرفات و ابشع من حيث كلشي الاهانه الضرب
القذف بأسوء الكلمات حصرا اتجاه البنت حتى لو كنت
احب اعيش كرهة شي اسمه انو احنه انعيشه اتمنى كل يوم يجي أجلي الله ارحم من البشر
من انولدت وعيت على هاي الدنيه وصار عقلي يفهم
اني اتعاقب على ابسط الاشياء من اني وصغيره احجي ويه
نفسي اگول اني انخلقت علمود بس اتعاقب وتعذب
ادري حرام الواحد يحجي هيج
ماتذكر شي حلو صار ويايه يمكن چان اجمل شي
بحياتي هي المدرسه
حتى امي واخواني ما حسيت ولا مره يحبوني
دائما اتحمل فوق طاقتي يمكن المخده الي انام عليه تشهد
على دموعي
تخيلو والله العظيم من اني عمري١٤سنه
يگلولي عانس مو بس اهلي حتى اقاربنه اني صرت خطيه
يبجون على حالي والله بهذاك الوقت اتمرضت وصلت
الى حاله لاتصدق حتى مدرسه تركته وتمرضت حبست نفسي
ابدي يومي واخلص اقراء قراءان قلت حتى لو يحجون عني اقتل احساسي هم اهلي
من انخطبت يمكن هاي احلى فرحه عدهم
بس يريدون يخلصون مني لان اني هم عليهم
امي تكول همج للممات
اني اصلان مارضيت اتزوج بس الاسطوانه الي متخلص
اني عيفتج ومابقيتلج وكل اخونج راح يزوجون وصيرن خدامه
رضيت بقسمتي وحظي وسكتت
اتزوجت گلت الله راح يعوضني على الايام الي شفته
بحياتي
بس رحت للاسوء يمكن اهلي شوي ارحم بس ذرت رحمه
عليه ماكو اصلان اني مو انسانه ولا احد يتعامل ويايه على اني
انسانه وعندي احساس
اسوء معامله يعاملون يمكن الحيوان يعطفون عليه بس اني لا
والله كلشي اسوي ولا اتفوه بكلمه ولا اعاند احد
كل ما احول اغير شي بحياتي تخرب بزياده
اتذكر كلمه من ام زوجي اتگلي اني ضلمت ابني
لان جبتج هنا
بس اريد افتهم والله ضحيت بنفسي هواي واذيت نفسي
ماكو امراءه ترضى على نفسه تسوي هيج اشياء بس اني سويت
أذيت نفسي
موتوني واني عايشه اربع مرات أجهضت
الانسان اذا علط مره يتعلم من غلطه
بس اني اربع مرات يعني ضلمت نفسي ولحد الان
وبعدني بس علمود ارضيهم بس اني ماگدر
محد يريدني اني اكبر هم على كل من حولي
حتى بنت خالتي قلتلي انتي ورقتك محروقه من زمان
لو ميت كان احسلك من هاي العيشه
اني بس لو اريد احجي ماراح يخلص الكلام بس نبذه عن وجعع
بعد مااريد اشكي
اريد بس اختفي للابد
